Click [Settings] button to set the relationship between the current module and data module

Buffelspoort

Buffelspoort beskik oor ’n verskeidenheid selfsorgakkommodasie vir elke smaak. Omdat jy boonop per eenheid betaal en nie per persoon nie, bespaar jy baie.

Magalies-villas

Die nuutste toevoeging tot ATKV-Buffelspoort se huisvesting is die luukse en moderne Magalies-villas wat elk uit 3 slaapkamers vir ses persone, ’n oopplankombuis en woonvertrek, 2 badkamers en 'n patio met 'n ingeboude braai bestaan. Dié eenhede het ook lugverkoeling.
6-bed Magalies-villas (luuks)

Rondawels

Standaard of luuks met ’n badkamer, volledig toegeruste kombuis en 'n televisie met DStv.
2-bedrondawel (opgegradeer)
4-bedrondawel (nuut opgegradeer)
4-bedrondawel (enkelbed met stort)
4-bedrondawel (voorsambreel)
4-bedrondawel (semiluuks)
4-bedrondawel (standaard)
5-bedrondawel
8-bedrondawel

Tenthuise

Die tenthuise het 4 beddens en ’n badkamer, met of sonder kombuis. 'n Gemeenskaplike kombuis is beskikbaar vir die eenhede wat nie hul eie kombuis het nie.
4-bedtenthuis met badkamer
4-bedtenthuis met badkamer en kombuis

Woonstelle

Die woonstelle het 4, 6 en 8 beddens met 'n badkamer(s), kombuis en TV.
4-bedwoonstel
6-bedwoonstel
8-bedwoonstel
8-bedwoonstel (3 slaapkamers)

Woonwa- en kampeerterrein

Staanplekke op grasperke onder skaduryke bome of geplaveide staanplekke met skadunet, kragpunt en braaigeriewe. Uitmuntende opwas- en ablusiefasiliteite.
Kampering

 

Tariewe

Vir 'n meer gedetailleerde beskrywing van die verskillende soorte huisvesting en tariewe, klik op die Tariewe-skakel onder aan.

*As gevolg van die opgradering van verskeie verblyfeenhede die afgelope tyd mag dit wees dat die beskrywings en foto's van eenhede verskil van mekaar en ook verskil van die beskrywing op die tariefkaart. Ons is besig met die bywerking van die tariefkaart sowel as die foto's en beskrywings en poog om dit so spoedig moontlik op die webwerf te laai. Ons sê byvoorbaat dankie vir jou geduld. Indien daar enige onsekerheid is oor ‘n verblyfeenheid se beskrywing, fasiliteite en gepaardgaande foto’s, is jy welkom om die betrokke oord te skakel of ons sentrale besprekingskantoor by 011 919 9092.

Drakensville

ATKV-Drakensville bied verskillende soorte akkommodasie in die asemrowende Drakensberge. Alle eenhede word daagliks gediens, is gerieflik gemeubileer en ten volle toegerus met DStv.

Bed en ontbyt-kamers

Driestergradering met 1 slaapkamer (enkel of dubbel) vir 2 persone met ’n en suite-badkamer. Etes word by Koswerf restaurant verskaf
Bed en ontbyt-kamers

Selfsorghuise

Twee- en driestergradering vir 4 tot 6 persone. Die huise het 2 of 3 slaapkamers, ’n kombuis, sitkamer, 1 toilet en 1 badkamer. Elke huis is ten volle toegerus en gemeubileer. Badhanddoeke word verskaf.
4-bedhuise
6-bedhuise opgegradeer
6-bedhuise opgegradeer (1 badkamer)

Driestergradering met 1 slaapkamer (2 enkel of 1 dubbel) vir 2 persone. 'n Oopplankombuis met 'n eethoekie en ’n en suite-badkamer met stort. Ten volle gemeubileer met eetgerei, yskas/vrieskas, tweeplaatstoof en mikrogolfoond.
Woonstel vir 2

Woonwa- en kampeerterrein

Die Drakensville-kampeerterrein beskik oor geplaveide staanplekke en welige grasperke en is toegerus met uitstekende opwas- en ablusiefasiliteite. Die ablusiefasiliteite is ook rolstol vriendelik. Elke staanplek het ’n 15 amp-kragpunt en eie braaigeriewe.
Kampering

Tariewe

Vir 'n meer gedetailleerde beskrywing van die verskillende soorte huisvesting en tariewe, klik op die Tariewe-skakel onder aan.

*As gevolg van die opgradering van verskeie verblyfeenhede die afgelope tyd mag dit wees dat die beskrywings en foto's van eenhede verskil van mekaar en ook verskil van die beskrywing op die tariefkaart. Ons is besig met die bywerking van die tariefkaart sowel as die foto's en beskrywings en poog om dit so spoedig moontlik op die webwerf te laai. Ons sê byvoorbaat dankie vir jou geduld. Indien daar enige onsekerheid is oor ‘n verblyfeenheid se beskrywing, fasiliteite en gepaardgaande foto’s, is jy welkom om die betrokke oord te skakel of ons sentrale besprekingskantoor by 011 919 9092.

Eiland Spa

ATKV-Eiland Spa maak voorsiening vir almal se akkommodasiesmaak, alles teen ’n klassieke Bosveldagtergrond. Alle eenhede is selfsorg. Alhoewel linne en handdoeke elke vierde dag omgeruil word, word die eenhede nie gediens nie. Elke eenheid is gemeubileer, volledig toegerus met lugverkoeling, 'n braai-area en DStv.

Jeugtuiste

Die jeugtuiste kan 88 persone huisves en is uiters geskik vir enige skool- of kerkgroep. Die tuiste bestaan uit twee vleuels met badkamers en kamers vir onderwysers of toesighouers. Daar is verder 'n goed toegeruste kombuis en ’n eet- of vergaderarea met ’n braaiplek en opwasgeriewe aan die buitekant. Al die fasiliteite van die oord is tot die beskikking van die inwoners van die jeugtuiste.

Rondawels

Driestergegradeerde, eenhede met lugverkoeling wat 2 tot 6 mense kan huisves.
2-bedrondawel (luuks)
4-6-bedrondawel (luuks)
4-bedrondawel (luuks)
2-4-bedrondawel

Woonwa- en kampeerterrein

Die woonwa- en kampeerterrein se staanplekke is toegerus met kragpunte en gerieflike ablusieblokke.
Kampering

Tariewe

Vir 'n meer gedetailleerde beskrywing van die verskillende soorte huisvesting en tariewe, klik op die Tariewe-skakel onder aan.

 

*As gevolg van die opgradering van verskeie verblyfeenhede die afgelope tyd mag dit wees dat die beskrywings en foto's van eenhede verskil van mekaar en ook verskil van die beskrywing op die tariefkaart. Ons is besig met die bywerking van die tariefkaart sowel as die foto's en beskrywings en poog om dit so spoedig moontlik op die webwerf te laai. Ons sê byvoorbaat dankie vir jou geduld. Indien daar enige onsekerheid is oor ‘n verblyfeenheid se beskrywing, fasiliteite en gepaardgaande foto’s, is jy welkom om die betrokke oord te skakel of ons sentrale besprekingskantoor by 011 919 9092.

Hartenbos

ATKV-Hartenbos het inderdaad selfsorg-akkommodasie vir ’n ieder en ’n elk.

Carney-kamers

Selfsorgeenhede vir 4 persone. Kombuis met 'n tweeplaatstoof en yskas. Gesamentlike ablusiegeriewe vir mans en dames.
4-bed Carney-kamer

Carney-woonstelle

Selfsorgeenhede vir 4 persone met 'n volledig toegeruste kombuis en 'n privaat badkamer.
4-bed Carney-eenheid

Kothuise

Eenhede vir 5 persone. 'n Volledig toegeruste kombuis en woonvertrek met DStv.
5-bedkothuis

Oranjehof-kamers

Kamers vir 2 en 3 persone in 'n hostel wat toegerus is met 'n yskas, breekgoed en ketel. Gemeenskaplike kooklokaal en ablusiegeriewe.
2-bed Oranjehof-kamers
3-bed Oranjehof-kamers

Rondawels

Selfsorgeenhede vir 2 tot 4 persone.
2-bedrondawel met badkamer
2-bedrondawel sonder badkamer
3-bedrondawel
4-bedrondawel (2 slaapkamers)
4-bedrondawel (Oranjehof)
4-bedrondawel (Rivieroewer)

Skakelhuise

Drie eenhede vir 6 persone.
6-bedskakelhuis (2 slaapkamers)

Strandhuise

Eenhede vir 6 persone bestaande uit 2 of 3 slaapkamers, 'n volledig toegeruste kombuis/woonvertrek, DStv, lugverkoeling, asook onderdak parkering en -braaigeriewe.

Een eenheid vir 8 persone: 1 slaapkamer met 'n dubbelbed en 3 slaapkamers met 2 enkelbeddens elk. Volledig toegeruste kombuis/woonvertrek, DStv, lugverkoeling, asook onderdakparkering en -braaigeriewe.
6-bedstrandhuis (2 slaapkamers)
6-bedstrandhuis (3 slaapkamers)
8-bedstrandhuis (4 slaapkamers)

Woonwa- en kampeerterrein

ATKV-Hartenbos is 'n uitsoekplek vir ’n heerlike woonwavakansie. Elkeen van die meer as 570 staanplekke is toegerus met ’n 220 V/10 A-kragpunt.
Kampering

Tariewe

Vir 'n meer gedetailleerde beskrywing van die verskillende soorte huisvesting en tariewe, klik op die Tariewe-skakel onder aan.

*As gevolg van die opgradering van verskeie verblyfeenhede die afgelope tyd mag dit wees dat die beskrywings en foto's van eenhede verskil van mekaar en ook verskil van die beskrywing op die tariefkaart. Ons is besig met die bywerking van die tariefkaart sowel as die foto's en beskrywings en poog om dit so spoedig moontlik op die webwerf te laai. Ons sê byvoorbaat dankie vir jou geduld. Indien daar enige onsekerheid is oor ‘n verblyfeenheid se beskrywing, fasiliteite en gepaardgaande foto’s, is jy welkom om die betrokke oord te skakel of ons sentrale besprekingskantoor by 011 919 9092.

Goudini Spa

ATKV-Goudini Spa het ’n verskeidenheid selfsorgakkommodasie vir elke sak en smaak. Elke eenheid is gemeubileer en volledig toegerus met DStv.

Badsberg-eenhede

Een 5-bedeenheid met ’n driestergradering. Die hoofslaapkamer het ’n ingeboude dubbelbed en die tweede slaapkamer het drie ingeboude beddens. Oopplankombuis/woonvertrek. Badkamer met bad, wasbak en toilet. Buite: ’n Ingeboude braaiplek en parkeerplek voor die eenheid. 
Tien 4-bedeenhede met ’n tweestergradering. ’n Ingeboude dubbelbed met ’n oopplankombuis/woonvertrek bo. Twee ingeboude enkelbeddens en ’n tweeplaatstoof in die kombuis. ’n Volledige badkamer onder en nog ’n badkamer bo met ’n toilet, wasbak en stort. Buite: ’n Ingeboude braaiplek en parkeerplek voor die eenhede.
Tien opgegradeerde 5-bedeenhede met ’n driestergradering. ’n Dubbelbed met ’n oopplankombuis/woonvertrek bo. Een enkelbed en een dubbele slaapbank en ’n tweeplaatstoof in die kombuis. ’n Volledige badkamer onder en nog ’n badkamer bo met ’n toilet, wasbak en stort. Buite: ’n Ingeboude braaiplek en parkeerplek.
4-bed Badsberg-eenhede
5-bed Badsberg-eenhede (opgegradeer)

Boland-kompleks

Eenhede vir 6 tot 8 persone met driestergradering. Die eenhede van die Boland-kompleks is in ’n sirkel gebou met elke eenheid wat deur ’n tuinmuur geskei word. Al die eenhede kyk uit op ’n sentrale swembad met natuurlike bronwater.
Boland-huise

Goudini-woonstelle

Sewe eenhede vir 2 tot 6 persone.

Slanghoek-villas

Luukse eenhede met vierstergradering vir 6 persone. Twee en twintig eenhede is toegerus met ’n kaggel en onderdakbraai op die veranda. Elke slaapkamer het sy eie veranda.
Slanghoek-villas

Tulbach-woonstelle

Eenhede met tweestergradering vir 5 persone. Buite is daar ’n stoep en geplaveide area met 'n privaat braai.
Tulbach-woonstelle

Rondawels

Honderd en een eenhede met ’n tweestergradering en driestergradering:
Tweestergradering: Een slaapkamer met ’n ingeboude dubbelbed en ’n kombuis/woonvertrek met twee ingeboude enkelbeddens. Badkamer met stort, wasbak en toilet.
Driestergradering: Een slaapkamer met ’n dubbelbed en een slaapkamer met twee enkelbeddens. Die woonvertrek het ’n slaapbank vir ’n ekstra persoon. Die eenheid het lugverkoeling en lugverwarming in die leefarea met ’n onderdak braaiplek vir alle weersomstandighede.
4-bedrondawel (opgegradeer)
5-bedrondawel (opgegradeer)
Rondawels

Woonwa- en kampeerterrein

Ons woonwa- en kampeerterrein het ’n driestergradering van die Suid-Afrikaanse Toerismeraad ontvang en bestaan uit 54 geplaveide staanplekke, elk met ’n 15 amp-kragpunt en privaat braai. Goed versorgde ablusiefasiliteite, opwasgeriewe en wassery.
Kampering

Tariewe

Vir 'n meer gedetailleerde beskrywing van die verskillende soorte huisvesting en tariewe, klik op die Tariewe-skakel onder aan.

Akkommodasie brosjure

 

*As gevolg van die opgradering van verskeie verblyfeenhede die afgelope tyd mag dit wees dat die beskrywings en foto's van eenhede verskil van mekaar en ook verskil van die beskrywing op die tariefkaart. Ons is besig met die bywerking van die tariefkaart sowel as die foto's en beskrywings en poog om dit so spoedig moontlik op die webwerf te laai. Ons sê byvoorbaat dankie vir jou geduld. Indien daar enige onsekerheid is oor ‘n verblyfeenheid se beskrywing, fasiliteite en gepaardgaande foto’s, is jy welkom om die betrokke oord te skakel of ons sentrale besprekingskantoor by 011 919 9092.

Klein-Kariba

Houthuise (20 eenhede)

Die 6-bedeenhede is losstaande selfsorgeenhede bestaande uit ’n hoofslaapkamer met ’n dubbelbed en ’n kamer met twee enkelbeddens. Die houthuise by die dam het ’n dubbelslaapbank (geskik vir persone tot 18 jaar) in die woonvertrek. Die houthuise in die kloof het twee enkelslaapbanke in die woonvertrek. Daar is ook ’n badkamer en ’n oopplankombuis met ’n stoof met ’n oond. Hierdie eenhede is ten volle toegerus vir ses persone. Die houthuise by die dam (no. 1 – 10) se badkamers het ’n bad en die houthuise in die kloof (no. 11 – 20) het storte. Beide eenheidstipes het lugverkoeling.
Houthuis foto's

Berghuise (33 eenhede)

(2-stergradering)

Die losstaande selfsorgeenhede met ses beddens het twee slaapkamers. Die hoofslaapkamer het ’n dubbelbed en die ander slaapkamer is toegerus met twee enkelbeddens of ’n dubbelbed. Die oopplankombuis/woonvertrek het twee enkelslaapbanke (geskik vir persone tot 18 jaar) en die badkamer het ’n bad of ’n stort. Hierdie eenhede beskik oor ’n tweeplaatstofie of ministoof-en-oondkombinasie en is ten volle toegerus vir ses persone. Die eenhede het lugverkoeling in die woonvertrek.
Berghuis foto's

Berghuise (17 eenhede)

(3-stergradering)

Die losstaande selfsorgeenhede met ses beddens het twee slaapkamers. Die hoofslaapkamer het ’n dubbelbed en die ander slaapkamer is toegerus met twee enkelbeddens. Die oopplankombuis/woonvertrek het ’n dubbelslaapbank of twee enkelslaapbanke (geskik vir persone tot 18 jaar) en die badkamer het ’n stort. Hierdie eenhede beskik oor ’n tweeplaatstofie of ministoof-en-oondkombinasie en is ten volle toegerus vir ses persone. Die eenhede het lugverkoeling in die woonvertrek en in die hoofslaapkamer.

A 5-bedwoonstelle (10 eenhede)

Die dupleks-5-bedeenhede se boonste verdieping beskik oor twee privaat slaapkamers en ’n badkamer met ’n stort. Die hoofslaapkamer het ’n dubbelbed en die ander kamer het twee enkelbeddens. Die oopplankombuis/woonvertrek met ’n enkelslaapbank (geskik vir persone tot 18 jaar) waarop ’n vyfde persoon kan slaap, is op die grondverdieping. Die eenhede het ’n tweeplaatstofie en is ten volle toegerus vir vyf persone. Hierdie woonstelle het nie lugverkoeling nie.
Woonstel foto's

A 4-bedwoonstelle (8 eenhede)

Die 4-bedwoonstelle is geleë op die grondverdieping van 'n duplekswoonstelgebou. Daar is ʼn dubbelbed in die slaapkamer en in die oopplankombuis/woonvertrek is twee enkelslaapbanke (geskik vir persone tot 18 jaar). Die eenheid beskik oor 'n tweeplaatstofie en is ten volle toegerus vir vier persone. Die badkamer het 'n stort. Een woonstel het 'n bad. Die grondverdiepingwoonstelle het 'n stoepie met 'n braaiplek. Die woonstel het nie lugverkoeling nie.

B 5-bedwoonstelle (18 eenhede)

Die dupleks-5-bedwoonstelle het 'n slaapkamer en badkamer met ʼn stort op die boonste verdieping, asook 'n oopplanslaapkamer waarin daar twee enkelbeddens is. Die oopplankombuis/woonvertrek is op die grondverdieping met onderskeidelik 'n dubbelslaapbank (geskik vir persone tot 18 jaar) of een enkelslaapbank (geskik vir persone tot 18 jaar). Die eenheid is ten volle toegerus vir vyf persone en beskik oor 'n tweeplaatstofie/oondkombinasie. Elke woonstel het 'n stoepie met braaiplek en nie lugverkoeling nie.

B 4-bedwoonstelle (12 eenhede)

Die 4-bedwoonstelle is op die grond- of eerste verdieping van die duplekswoonstelgebou. Die hoofslaapkamer met 'n dubbelbed het 'n en suite-badkamer met 'n stort. In die oopplankombuis/woonvertrek is 'n dubbelslaapbank (geskik vir persone tot 18 jaar) of twee enkelslaapbanke. Die eenheid beskik oor 'n tweeplaatstofie/oondkombinasie en is ten volle toegerus vir vier persone. Die woonstel het nie 'n stoepie nie en die braaigeriewe word gedeel. Die woonstel het nie lugverkoeling nie. Twee van die eersteverdiepingwoonstelle het 'n bad.

C 4-bedwoonstelle (10 eenhede)

Die dupleks-4-bedeenhede se boonste verdieping het twee privaat slaapkamers en ’n badkamer met ’n stort. Die hoofslaapkamer het 'n dubbelbed en die ander kamer het twee enkelbeddens. Twee van die 4-bedwoonstelle se hoofslaapkamers het ’n dubbelbed en die ander kamer het ’n stapelbed vir twee persone. Op die grondverdieping is ’n oopplankombuis/woonvertrek. Die eenhede beskik oor 'n tweeplaatstofie en is ten volle toegerus vir vier persone. Daar is lugverkoeling en elke eenheid het 'n stoepie met 'n braaiplek.

Tenthuise (20 eenhede)

Dié unieke eenhede skep 'n vrye kampgevoel, maar met die luuksheid van 'n ten volle toegeruste eenheid vir vier persone. Die safari-oopplantenthuise staan elkeen op 'n netjiese betonblad met een woon-/slaapvertrek met 'n dubbelbed en 'n stapelbed. Die badkamer het 'n stort en die aangeboude kombuisie is toegerus met 'n tweeplaatstofie/oondkombinasie. Die tenthuise het 'n verwarmer en televisie.
Tenthuise foto's

Vishoekhuise (10 eenhede)

Die losstaande eenhede bestaan uit een 4-bed-, een 6-bed- en agt 8-bedhuise. Die 8-bedselfsorghuise het drie slaapkamers. In die hoofslaapkamer is ’n dubbelbed met twee enkelbeddens in die tweede kamer. Die derde kamer het twee stapelbeddens vir vier persone. Drie van die 8-bedhuise se hoofslaapkamers is toegerus met ’n dubbelbed en die ander twee kamers met stapelbeddens vir onderskeidelik twee en vier persone. Die 6-bedhuise het twee slaapkamers. Die 4-bedhuise het ’n dubbelbed in die slaapkamer en twee enkelslaapbanke (geskik vir persone tot 18 jaar) in die oopplankombuis/woonvertrek. Die kombuis het ’n stoof met ’n oond en die huise is ten volle toegerus vir onderskeidelik agt, ses en vier persone. Die Vishoekhuise se badkamers het storte en almal het lugverkoeling.
Vishoek foto's

Kamers (11 eenhede)

Die kamers is langs die restaurant en ideaal vir oornaggaste wat hulle etes in die restaurant geniet. Die kamers het ’n dubbelbed en is toegerus met linne en handdoeke vir twee persone. Die en suite-badkamer het ’n stort. Die kamers beskik ook oor ’n klein yskassie, 'n ketel en koppies en glase. Die kamers het nie kook- of braaifasiliteite nie. Een van die kamers het ’n hoekbad in die badkamer.
Kamers (2 persone) foto's

Kampeerterrein (73 staanplekke)

Dié geplaveide 3-sterkampeerterrein beskik oor twee groot ablusieblokke met opwasgeriewe. Die staanplekke het elk `n eie braaifasiliteit en is binne stapafstand van al die ontspanningsfasiliteite by die oord.
Kampering foto's

Tekkiekamp/Jeugtente (9 eenhede)

Hierdie tenthuiskompleks bestaan uit onderskeidelik vier en vyf tente wat elk 12 persone kan huisves. Die kompleks het sy eie aparte ablusieblok. Beddegoed word verskaf vir die stapelbeddens. Daar is skottelgoedwasgeriewe en een braaidrom per tent. Besoekers moet hulle eie kombuisware, eetgerei en handdoeke saambring soos vir ’n kampvakansie.

Diamanté-suite (1 eenheid)

Dié losstaande eenheid bestaan uit ’n kamer met ’n dubbelbed en linne en handdoeke vir twee persone. Die en-suite badkamer het ’n bad en 'n stort. Die kombuis beskik oor ’n stoof met ’n oond en is ten volle toegerus vir twee persone. Die eenheid het ’n kuierarea met DStv, ’n braaiplek buite, ’n borrelbad en ’n buitelugstort. Die eenheid beskik oor lugverkoeling met onderdakparkering vir een voertuig. Besoekers kan vra vir volle spyseniering in die gerief van die eenheid.

* Alle slaapbanke is geskik vir jongmense tot 18 jaar oud.

Tariewe


Vir 'n meer gedetailleerde beskrywing van die verskillende soorte huisvesting en tariewe, klik op die Tariewe-skakel onder aan.

*As gevolg van die opgradering van verskeie verblyfeenhede die afgelope tyd mag dit wees dat die beskrywings en foto's van eenhede verskil van mekaar en ook verskil van die beskrywing op die tariefkaart. Ons is besig met die bywerking van die tariefkaart sowel as die foto's en beskrywings en poog om dit so spoedig moontlik op die webwerf te laai. Ons sê byvoorbaat dankie vir jou geduld. Indien daar enige onsekerheid is oor ‘n verblyfeenheid se beskrywing, fasiliteite en gepaardgaande foto’s, is jy welkom om die betrokke oord te skakel of ons sentrale besprekingskantoor by 011 919 9092.

Natalia

Akkommodasie by ATKV-Natalia bestaan uit 'n keuse van ruim, gesellige selfsorgwoonstelle in verskillende groottes en 'n boomryke woonwapark met spogfasiliteite.

Woonstelle

Al die selfsorgwoonstelle is volledig toegerus met DStv. Gaste moet wel hul eie swemhanddoeke, skoonmaakmiddels en afdroogvadoeke bring. Eenhede vir 2 tot 6 persone met en sonder seeaansig en met en sonder balkonne. Badkamers beskik oor storte en/of baddens.
Grondeenhede het 'n stoepie na buite met 'n tafel en stoele. Agt eenhede het 'n balkon, braaigeriewe en seeaansig.
2-bedwoonstelle (nie seeaansig)
4-bedwoonstelle
6-bedwoonstel (seeaansig) - balkon met braai
5-bedwoonstelle (nie seeaansig) - 2 slaapkamers
6-bedwoonstelle (seeaansig)

Woonwa- en kampeerterrein

Alle staanplekke het kragpunte, krane, asblikke en 'n DStv-punt. Daar is twee ablusieblokke met opwasgeriewe, vir die gesamentlike gebruik van die kampeerders.
Kampering

Tariewe

Vir 'n meer gedetailleerde beskrywing van die verskillende soorte huisvesting en tariewe, klik op die Tariewe-skakel onder aan.

*As gevolg van die opgradering van verskeie verblyfeenhede die afgelope tyd mag dit wees dat die beskrywings en foto's van eenhede verskil van mekaar en ook verskil van die beskrywing op die tariefkaart. Ons is besig met die bywerking van die tariefkaart sowel as die foto's en beskrywings en poog om dit so spoedig moontlik op die webwerf te laai. Ons sê byvoorbaat dankie vir jou geduld. Indien daar enige onsekerheid is oor ‘n verblyfeenheid se beskrywing, fasiliteite en gepaardgaande foto’s, is jy welkom om die betrokke oord te skakel of ons sentrale besprekingskantoor by 011 919 9092.