Skip to the content

#RekUit by ‘n atkv-oord

#RekUit - ATKV Oorde

Beste ATKV-gas

2020 is ’n jaar wat ons vir altyd sal bybly. Die lewe soos ons dit geken het, het handomkeer verander. Die COVID-19-pandemie het globaal ontwrigting en onsekerheid gesaai, en die skerp reuk van ontsmettingsmiddels het die nuwe normaal geword.

By die ATKV besef ons die erns van die COVID-19-pandemie en ook die finansiële impak wat weens onsekerheid, werksverlies en salarisverlagings daarmee gepaard gaan. Ons besef ook dat Suid-Afrikaners op die oomblik so noukeurig moontlik met hul geld werk en dat jou gesin se gesondheid en welstand jou eerste prioriteit is.

Die COVID-19-pandemie en die staat van inperking het ons vir maande in ons huise en ons buurt vasgekeer en vakansiebestemmings, soos die ATKV-oorde, was gesluit. Nou, danksy die verslapping van die regulasies, is dié beproewing vir eers verby en het jy die geleentheid om by ʼn ATKV-oord te kom uitspan.

ATKV-oorde wil daarom jou vakansie-ervaring met ons nuwe, aangepasde deposito-beleid vergemaklik. Dié beleid is spesifiek daarop gemik om ons gaste te help om deposito's te beplan en betaal en sodoende druk op hul kontantvloei te verminder. Gaste kan uitsien na ’n geriefliker manier van besprekings doen.

Die nuwe depositobeleid maak wegbreek nóg makliker en dien as ʼn toelaag vir besprekings wat langer as drie maande/90 dae vooruit gemaak word. Ons wil asseblief versoek dat ons gaste ag sal slaan op onderstaande depositotabel:

Deposito (48h) DEPOSITOSKEDULE
Maande % deposito 210 dae voor aankoms 90 dae voor aankoms 30 dae voor aankoms
>12 10% 15% 25% 50%
12 10% 15% 25% 50%
11 10% 15% 25% 50%
10 10% 15% 25% 50%
9 10% 15% 25% 50%
8 10% 15% 25% 50%
7 25% 0% 25% 50%
6 25% 0% 25% 50%
5 25% 0% 25% 50%
4 25% 0% 25% 50%

In ʼn neutedop:

• Die huidige beleid is steeds van toepassing op besprekings met ʼn aankomsdatum van minder as drie maande vooruit.

• Vir besprekings met ’n aankomsdatum van vier tot sewe maande vooruit word 'n aanvanklike deposito van 25% binne 48 uur, vereis die volgende 25% drie maande voor aankoms en die oorblywende 50% een maand voor aankoms vereis, soos deur die huidige beleid voorgeskryf.

• Vir besprekings met ’n aankomsdatum van agt maande en langer vooruit word ʼn aanvanklike deposito van 10% binne 48 uur vereis, ʼn verdere 15% sewe maande voor aankoms, die volgende 25% drie maande voor aankoms en die oorblywende 50% een maand voor aankoms vereis, soos deur die huidige beleid voorgeskryf.

Neem ook asseblief kennis dat jy jou bespreking sal verbeur indien jy nie op die spesifieke depositodatums betaal nie. Die verslapde depositobeleid is geldig vir bespreking gemaak vanaf 1 Oktober tot 31 Desember 2020, vir besprekings gemaak met aankomsdatums vanaf 1 Februarie 2021.

Waarvoor wag jy? Kom #RekUit by ʼn ATKV-oord en betaal jou bespreking oor ʼn langer tydperk af.