Gesinspret by ATKV-Oorde

Het jy al vir die Maart-skoolvakansie en Paasnaweek bespreek?

Voel jy al die behoefte aan ’n blaaskans, al is dit nog net Februarie? Die eerste skoolkwartaal is amper verby en nou is die ideale tyd om jou gesin se wegbreek by jou gunsteling ATKV-oord te bespreek. Of jy nou ’n see- of boswegbreek verkies, ons het ’n opsie vir jou.

Skoolvakansies is daar om herinneringe te skep. Dit gaan oor lag om die braaivleisvuur, kinders wat in die swembad plons, vroeë oggendstappies, opwindende aktiwiteite en aande saam onder Afrika-sterrehemel.

Verblyf vir elke smaak en begroting

Een van die redes waarom gesinne jaar ná jaar na ATKV-oorde terugkeer, is die wye verskeidenheid verblyfopsies wat beskikbaar is. Geen twee gesinne is dieselfde nie – en ook nie hul vakansievoorkeure nie.

Kies uit gerieflike woonstelle, ideaal vir gesinne wat ’n selfsorgvakansie met al die nodige geriewe verkies. Ons bekoorlike rondawels bied ’n unieke en knus verblyfopsie, perfek vir dié wat ’n meer tradisionele vakansie-atmosfeer waardeer. Vir gaste wat iets ekstra-spesiaal soek, bied ons luukse eenhede bykomende gerief en styl, wat ’n ontspanne en bederfwegbreek verseker.

Kamp soos jy net by ATKV-oorde kan

Vir diegene wat lief is vir die buitelewe, bied ATKV-Oorde van die beste kampplekke in die land. Kamp by ons oorde beteken jy geniet die natuur sonder om gerief prys te gee.

Skoon en goed versorgde wasgoed- en ablusiegeriewe sorg dat jou kampervaring gemaklik en sorgvry bly. Dit is die perfekte balans tussen buitelugavontuur en moderne gerief – ideaal vir ervare kampeerders sowel as vakansiegangers wat hul hand vir die eerste keer aan kamp waag.

Pret vir die hele gesin

Kinders kan veilige pret onder toesig geniet met georganiseerde aktiwiteite, speelparke, swembaddens en volop oop ruimtes om te verken. Ouers kan ontspan met die wete dat hul kleingoed vermaak word terwyl hulle by die swembad rus, die natuurskoon geniet of eenvoudig ’n welverdiende blaaskans van die daaglikse dolle gejaag neem.

Van buitelugavonture tot gesinsvriendelike vermaak – daar is nooit ’n vervelige oomblik nie. Of jy nou op soek is na opwinding of ontspanning, jy sal jou perfekte balans by ’n ATKV-oord vind.

Bespreek aanlyn en spaar by ATKV-Oorde

Die Maart-skoolvakansie en Paastyd is gewilde reistye, en beskikbaarheid raak vinnig beperk. Deur vroegtydig te bespreek, verseker jy jou voorkeurverblyf by jou gunsteling-ATKV-oord. Wanneer jy aanlyn bespreek, spaar jy boonop ’n ekstra 5% – besoek https://www.atkvresorts.co.za/book/ om jou wegbreek vandag nog te verseker!